12.06.2015 08:17

Firmakeppni Hestamannafélagsins Kóps

Firmakeppni Hestamannafélagsins Kóps verður haldin að Sólvöllum í Landbroti miðvikudagskvöldið 17. júní n.k. kl. 20.00. Keppt verður í barna-, unglinga-, opnum- og unghrossaflokki auk þrautabrautar. Æskilegt er að skráningar berist til Öddu á Herjólfsstöðum á netfangið adda159@gmail.com eða í síma 866 5165 fyrir kl. 20:00 á þriðjudag 16. júní n.k. en við lokum þó ekki fyrir skráningar á staðnum. Barnaflokkur: Frjálst 2-3 hringir Unglingaflokkur: Þrír hringir. Sýna að minnsta kosti 2 gangtegundir og eina ferð á beinu brautinni Opinn flokkur: Einn hringur hægt tölt og einn hringur tölt með hraðabreytingum. Hægja niður og snúa við. Einn hringur brokk og einn hringur yfirferð tölt eða brokk. Ein ferð á beinu brautinni, frjálst Unghrossaflokkur: Frjálst 2-3 hringir Hittumst hress og í keppnisstuði. Firmakeppnisnefnd Hmf. Kóps.

10.06.2015 16:02

Hestaferð Kóps

Minnum á árlega hestaferð Hmf. Kóps helgina 7.-9. ágúst 2015 (helgin eftir verslunarmannahelgi).

Endilega takið helgina frá og komið með í skemmtilega hestaferð.

Nánar auglýst þegar nær dregur.

 

Ferðanefndin.

19.05.2015 08:40

Reiðskóli Kóps

Reiðskóli verður haldinn á vegum Hestamannafélagsins Kóps að Syðri Fljótum.

Kennt verður 26.-29. maí og 1.-3. júní.

Síðasti skráningardagur í reiðskóla er 23. maí.

Boðið verður upp á kennslu fyrir alla aldurshópa.  Vana sem óvana.

Verð: Fyrir krakka sem eru félagsmenn í Kóp:  5000.- . Aðrir 12.000.-.


Því ekki að skrá sig í reiðskóla. Hestamennska er holl og skemmtileg útivera.

Nánari upplýsingar og skráning í reiðskólann er hjá Kristínu Lár á fljotar@simnet.is eða sími 4874725.

 

Sjáumst í Reiðskólanum

Hestamannafélagið Kópur

09.04.2015 13:27

Firmakeppni Kóps frestað

Áður auglýst firmakeppni Hestamannafélagsins Kóps þann 18. apríl n.k. verður frestað þangað til í júní.

Nánar auglýst þegar nær dregur.

Firmakeppnisnefnd hmf. Kóps

03.04.2015 09:41

Páskabingó Hestamannafélagsins Kóps

Páskabingó Hestamannafélagsins Kóps

verður haldið í Kirkjubæjarskóla á Síðu laugardaginn fyrir páska, þann 4.apríl n.k og hefst

 kl. 13:30.

Góðir vinningar,t.d. páskaegg!! og margt,margt fleira. Spjaldið kostar 750 kr.

Hluti ágóðans rennur til styrktar góðu málefni.

Allir velkomnir.

Fjáröflunarnefnd Hestamannafélagsins Kóps.

03.03.2015 21:30

Frumtamningarnámskeið!

 
Til stendur að halda frumtamningarnámskeið á vegum Kóps núna í mars, ef næg þátttaka fæst.
Þeir sem áhuga hafa endilega hafið samband sem fyrst, við Pálínu í síma: 8674919 eða Kristínu í síma: 8693486 og fáið meiri upplýsingar.
 
Bestu kveðjur
Stjórnin.

15.02.2015 13:06

RANGÁRHÖLLIN 2. APRÍL: STÓRSÝNING SUNNLENSKRA HESTAMANNA!

Stórsýning sunnlenskra hestamanna verður haldin í Rangárhöllinni á Hellu á skírdagskvöld, hinn 2. apríl næstkomandi. Það er Rangárhöllin sem gengst fyrir sýningunni í samstarfi við sunnlenska hestamenn og hrossaræktendur. 
Dagskrá sýningarinnar verður kynnt á næstu dögum, en stefnt er að því að þarna komi fram úrval hrossa af Suðurlandi, stóðhestar, gæðingar, ræktunarhópar og afkvæmahópar.

Sérstök áhersla verður lögð á að kynna unga stóðhesta, á fjórða og fimmta vetur, og einnig munu koma fram eldri og þekktari hestar sem þegar hafa sannað gildi sitt sem afkvæmahestar. Nokkrir þekktir stóðhestar verða einnig hafðir til sýnis í hléi þar sem
gestir munu geta virt þá fyrir sér í návígi.

Á næstu dögum verður haft samband við fjölda hrossaræktenda og eigenda hesta vegna sýningarinnar, en áhugasamir eru einnig hvattir til að hafa samband við Kristinn Guðnason í Árbæjarhjáleigu til að fá frekari upplýsingar. 
Engin skráningargjöld verða tekin vegna hesta sem taka þátt og verði aðgöngumiða verður mjög stillt í hóf.

Aðstandendur sýningarinnar hvetja hestamenn til að taka kvöldið frá, þetta er á skírdagskvöld í miðri páskahelginni og örugglega verður mikil umferð hestamanna um héraðið þessa daga og margir byrjaðir að huga að stóðhestanotkun fyrir vorið og
sumarið. 

Nánari fréttir munu berast næstu daga.

10.02.2015 08:51

Aðalfundur Hestamannafélagsins Kóps

Aðalfundur Hestamannafélagsins Kóps

verður haldinn föstudaginn 20. febrúar n.k.  kl. 20:30 á Hótel Klaustri.

ATHUGIÐ BREYTTA DAGSETNINGU.

Dagskrá fundarins samkvæmt lögum félagsins.

Kaffiveitingar.

Nýir félagar velkomnir.

Nú skorum við á ykkur félagsmenn góðir að mæta á fundinn. Því fleiri sem mæta, því meiri, líflegri og málefnalegri umræður og ákvarðanatökur verða þá á fundinum. Og að við tölum nú  ekki um, afraksturinn af þeirri umræðu sem mun skila sér í aukinni og betri  starfsemi félagsins.

 Það er markmiðið. Er ekki svo?

Stjórn Hmf. Kóps.

02.02.2015 21:40

Aðalfundur

Aðalfundur Hestamannafélagsins Kóps verður haldin 11.febrúar næstkomandi.

Staðsetning og fundartími auglýst síðar.

 Stjórnin

02.02.2015 21:38

Hestamannafélagið Kópur auglýsir


Fræðslufundur með Pétri Halldórssyni ráðunauti í hrossarækt  verður haldinn á
 Hótel Klaustri miðvikudaginn 4.febrúar  kl 20:30. 

Umfjöllunarefni  kvöldsins:

         Kynning á World-Feng.
         Erfðir hestalita.

Sjáumst hress og sem flest.

Stjórn Hmf. Kóps.

31.12.2014 16:37

Gleðilegt nýtt ár

Sendum félagsmönnum okkar, velunnurum og landsmönnum öllum,

óskir um frið og farsæld á komandi ári og þakkir fyrir árið sem er að líða.

 

Bestu kveðjur.

Hestamannafélagið Kópur.

28.12.2014 17:35

UPPSKERUHÁTÍÐ HESTAMANNA - MIÐASÖLU LÝKUR 6. JANÚAR!

UPPSKERUHÁTÍÐ HESTAMANNA - MIÐASÖLU LÝKUR 6. JANÚAR!

Uppskeruhátíð hestamanna verður haldin á Gullhömrum í Grafarholti 10. janúar næstkomandi. Gullhamrar er einn glæsilegasti veitinga- og veislustaður á landinu í dag og ætti því enginn að láta sig vanta á þessa frábæru hátíð okkar. Dagskráin verður með sama móti og venjulega. Verðlaunaafhendingin verður á sínum stað, dýrindis þriggja rétta máltíð og að sjálfsögðu dönsum við saman langt fram eftir nóttu eins og okkur hestamönnum er einum lagið.

 

Viðburðinn er hægt að finna á facebook:https://www.facebook.com/events/395865530579934/


Hinn þjóðþekkti sjónvarpsmaður Gísli Einarsson verður veislustjóri og svo mun hljómsveitin Rokk halda uppi fjörinu en í henni eru þeir:

Hreimur Örn - gítar og söngur

Pálmi Sigurhjartarson - píanó og söngur

Benedikt Brynleifsson - trommur

Róbert Þórhallsson - bassi

Vignir Snær - gítar og söngur


Þriggja réttar máltíðin verður með glæsilegu móti:

Forréttur - Austurlensk sjávarréttasúpa með karrí og kókos

Aðalréttur - Lambahryggvöðvi með kartöfluköku, steiktum skógarsveppum og lambasoðsósu

Ábætisréttur - Suðrænn kókosdraumur með berjablöndu og crumble.


Ekki láta þig vanta á eina glæsilegustu uppskeruhátíð til þessa!

Fyrstir koma fyrstir fá!

Miðasalan fer fram á gullhamrar@gullhamrar.is eða í síma 517-9090

Miða og borðapantanir verða til kl. 18, þriðjudaginn 6. janúar.

Miðar verða afhentir miðvikudaginn 7. janúar í Gullhömrum.

Verð: 9600 kr.

Selt inn á dansleik frá 23.30. Verð 2.500 krónur

Gestir þurfa að senda kvittun á gullhamrar@gullhamrar.is og þá verður tekið frá borð á þeirra nafni.

Borðaröðun fer fram þegar miðasölu lýkur!

 

 

 
 
 

10.11.2014 09:22

Úrslit folalda- og trippasýningar

Dómarar voru Pétur Halldórsson og Ásmundur Þórisson
 
Eigulegasta folaldið var valið Svandís frá Kirkjubæjarklaustri II að mati dómara og áhorfanda.
Eigulegasta  trippið var Sóley frá Syðri Fljótum að mati dómara en Seifur frá Kirkjubæjarklaustri II að mati áhorfenda.
 
Kópur þakkar þeim sem mættu fyrir skemmtilegan dag.
 
 
Folalda og trippasýning   ÚRSLIT                            
 Mót:   Folalda og trippasýning Hestamannafélagsins Kóps haldin að Syðri Fljótum 2014 9.nóv. 2014
  Yfirdómari Pétur Halldórsson, meðdómari Ásmundur Þórisson
Hesttrippi
 
Nr Hópur Hönd Hestur Litur Aldur Eigandi Faðir Móðir
1 1 V Seifur frá Kirkjubæjarklaustri II Brúnn/milli- stjörnótt 1 Sverrir Gíslason, Fanney Ólöf Lárusdóttir Mjölnir frá Seglbúðum Spurning frá Kirkjubæjarklausti 2
2 2 V Þokki frá Geirlandi Jarpur/milli- einlitt 1 Gísli K Kjartansson Klængur Skálakoti Þrá frá Fellskoti
3 3 V Garpur frá Geirlandi Brúnn/milli- einlitt 2 Gísli K Kjartansson Þröstur frá Hvammi Þrá frá Fellskoti
4 4   Leiknir frá Mýrum Brúnn     1   Páll Eggertsson Glaður Prestsbakka Fjöður Mýrum
5 5 V Þyrnir frá Syðri-Fljótum Brúnn/milli- einlitt 1 Kristín Lárusdóttir, Guðbrandur Magnússon Álfur frá Selfossi Eldey frá Fornusöndum
Mertrippi
 
Nr Hópur Hönd Hestur Litur Aldur Eigandi Faðir Móðir
1 1 V Sóley frá Syðri-Fljótum Rauður/milli- blesótt 2 Guðbrandur Magnússon, Kristín Lárusdóttir Arður frá Brautarholti Eldey frá Fornusöndum
2 2 V Elva frá Syðri-Fljótum Rauðblesótt 1 Kristín Lárusdóttir, Guðbrandur Magnússon Penni frá Eystra-Fróðholti Elka frá Króki
3 3   Eik Hemru rauð/ tvístjörnótt   1   Sigurður Ómar Gíslason Mjölnir Hlemmiskeiði Glódís Steinum
4 4 V Elding frá Mýrum Rauð 2 Páll Eggertsson Vigri Reykjavík Mánadís frá Mýrum
5 5   Viðja frá Geirlandi Jarpur/milli- einlitt 1 Gísli K Kjartansson Kerúlf Kollaleiru Eldglóð frá Álfhólum
6 6 V Brák frá Geirlandi Moldótt 1 Gísli K Kjartansson Ársæll Helmu Snerra frá Hala
                         
Merfolöld
 
Nr Hópur Hönd Hestur Litur Aldur Eigandi Faðir Móðir
1 1 V Svandís Kirkjubæjarklaustri Brúnstjörnótt 0 Sverrir Gíslason, Fanney Ólöf Lárusdóttir Vilmundur Feti Þokkadís Kirkjubæjarklaustri
2 2   Aþena frá Kirkjubæjarklaustri 2   brún     0 Sverrir Gíslason, Fanney Ólöf Lárusdóttir Glaður Prestsbakka Spurning frá Kirkjubæjarklaus
3 3 V Ugla Geirlandi Jörp 0 Gísli K Kjartansson Aðall Nýjabæ Snerra frá Hala
4 4 V Stjörnuglóð Geirlandi Rauðstjörnótt 0 Sigurlaugur Gísli Gíslason Konsert Korpu Eldglóð frá Álfhólum
5 5 V Embla frá Syðri Fljótum Brún 0 Kristín Lárusdóttir, Guðbrandur Magnússon Konsert Korpu Elka frá Króki
Hestfolöld
 
Nr Hópur Hönd Hestur Litur Aldur Eigandi Faðir Móðir
1 1   Árgeisli Syðri Fljótum Bleikblesóttur 0 Frida og Fredrik Sær Bakkakoti Ronja Spágilsstöðum

01.11.2014 19:27

Folalda- og trippasýning

Sunnudaginn 9. nóvember kl. 13 stendur Hestamannafélagið Kópur fyrir folalda- og trippasýningu að Syðri Fljótum.

Keppt verður í 4 flokkum.

Í folaldaflokki eru 2 flokkar, hryssur og hestar. Síðan verður trippaflokkur (fædd 2012 og 2013), hryssur og hestar.

Síðasti skráningardagur er fimmtudagskvöldið  6. nóvember kl 21.00.

Skráningargjald er kr. 1000.
 

Dómari velur eigulegustu gripina en áhorfendur fá líka að segja sína skoðun.

Seld verður súpa.

 

Skráning og nánari upplýsingar fara fram hjá:

Kristínu Lárusdóttur s. 4874725 eða fljotar@simnet.is

 

Stjórn Hestamannafélagsins Kóps

27.10.2014 21:07

Framboð til sambandsstjórnar LH 2014 - 2016

Framboð til sambandsstjórnar LH 2014 – 2016

 

 

Ákvörðun hefur  verið tekin um framhald þingfundar 59. Landsþings LH, laugardaginn 8. nóvember n.k. kl. 9:00 í E-sal á þriðju hæð í húsakynnum ÍSÍ og LH að Engjavegi 6.

 

Í ljósi þeirra aðstæðna sem uppi eru, lýsir kjörnefnd eftir framboðum til sambandsstjórnar LH til næstu tveggja ára.

 

Stjórnin skal skipuð sjö mönnum, formanni, varaformanni, ritara, gjaldkera og þremur meðstjórnendum.

Varastjórn skal skipuð fimm mönnum og taka þeir sæti í aðalstjórn í samræmi við atkvæðahlutfall.  

 

Formaður er kjörin sérstaklega og þarf meirihluta greiddra atkvæða. Náist ekki meirihluti við fyrstu kosningu skal kjósa á ný um þá tvo sem flest atkvæði hlutu. Ræður þá einfaldur meirihluti atkvæða.

Á fyrsta stjórnarfundi að afloknu landsþingi LH skal stjórn LH skipta með sér verkum, kjósa varaformann, ritara og gjaldkera úr hópi stjórnarmanna.

 

Kjörgengir í stjórn eru allir félagar í hestamannafélögum sem eru aðilar að LH.

 

Óskar kjörnefnd LH eftir því að framboð til stjórnar LH berist eigi síðar en á hádegi föstudaginn 7. nóvember 2014 til nefndarinnar.

Þar sem um framhaldsþing er að ræða er rétt að minna á að sömu kjörbréf gilda fyrir framhaldsfund og giltu fyrir þingið á Selfossi 17.-18. október. Breytingar á þingfulltrúum skal tilkynna tímanlega til skrifstofu LH.

 

 

Með kveðju,

Kjörnefnd LH

 

Guðmundur Hagalínsson

Sími 825 7383

Netfang ghl@eimskip.is

 

Ása Hólmarsdóttir

Sími 663 4574

Netfang asaholm@gmail.com

 

Margeir Þorgeirsson

Sími 892 2736

Netfang vodlarhestar@gmail.com